Transcription
1
Monsieur, despuys ma dernyère lettre que je vous ay escript,
2
il nest survenu rien de nouveau que la rivée du duc de Cesse
3
à Gênes avec huict gallères et huict compaignyes espanolles.
4
Le premier desain, ou pour le moins que lon avoit faict
5
bruit, cestoit pour aller en Levant estre lieutenant general
6
de Dont Jan d’oste, au lieu du grand prince de Castille
7
quy avoit esté ordonné. Lon verra dans peu de jours
8
à quoy ledict duc de Cesse tournera ses dessains. Il sen est
9
allé ung sergent du cappitaine Pellisson, lequel a desbouché
10quelque troupe des soldatz, deux [barré : jours ] ou troys jours (barré : avoir]
11
après quil ont tiré la paye du roy ; et si ledict sergent avoict
12
faict ce quil avoict peu pour en deboucher plusieurs aultres
13
comme lon envoyra information, je vous supplierey
14
Monsieur, de commander quil en soict faict le chastiment tel que
15
vous connoissés quil merite. Et ne sachant aultre chose
16
pour vous escripre, ne feray ceste lettre plus longue que
17
de me recommander bien humblement à vostre bonne grâce,
18
pryant Dieu, monsieur, vous donner en parfaicte santé,
19
bonne et longue vye. De Savillan, le XI jour daoust
20
1572
21
Vostre humble allié et afesioné
22
serviteur
23
des adrés